Link açıqlığı

QMC işleri boyunca devlet hızmeti qırımtatar tiliniñ ögretilmesi içün bazar mekteplerini açmaq niyetindedir


Qırımnı işğalden soñ terk etken qırımtatarlar qıtaiy Ukrainada tuvğan tilini bazar mekteplerinde ögrene bilecek.

Bu aqta Qırım.Aqiqatqa Ukraina Nazirler Kabineti yanındaki QMC işleri boyunca devlet hızmetiniñ başı Aslan Ömer Qırımlı bildirdi.

"Biz medeniy merkezler ile, şu cümleden Lvivde de, qırımtatar tiliniñ ögrenüvini teşkil etmek teklifimiz ile muzakerelerni keçiremiz. Şimdilik bazar mektebi şeklinde. Şimdilik, teessüf ki, öyle"

QMC işleri boyunca devlet hızmeti qırımtatar tiliniñ ögretilmesi içün bazar mekteplerini açmaq niyetindedir

, – dey Qırımlı.

Qırımtatar tiliniñ ögretilmesi planlaştırılğan şeerler arsında Kiyev ve Vinnitsanı aytıp keçti. Qırımlı dey ki, böyle qararnıñ sebebi – qırımtatarlarnıñ qıtada toplu yaşağan yerler sayısınıñ az olğanı. Bundan ististna – Herson vilâyetiniñ Novoalekseyevka ve Kalançak rayonları, mında umumtasil mekteplerde qırımtatar tiliniñ ögretilmesi ile sınıflar bardır.

Qırımda bazar mekteplerinde ögretüv ne vaqıt başlaycağını aytmadı, çünki Ukraina Nazirler Kabineti Qırım işleri boyunca Devlet hızmetiniñ işini belgilegen qararlarnı daa qabul etmedi.

Evel bildirilgeni kibi, Qırımnıñ Rusiye akimiyeti umumtasil mekteplerde qırımtatar ve ukrain tili saatlerini aşğariy derecege qadar eksiltti. Akimiyet qırımtatarlarnıñ mekteplerde tuvğan tilni ögrenmege aqqını bozğanı aqta Qırımtatar Milliy Meclisi de bildirgen edi.

XS
SM
MD
LG