Indonesianıñ Sumatra adasında Medan şeeriniñ meksün rayonında uçaqnıñ tüşmesi neticesinde 100-den ziyade insan vefat etti, haber ete Radio Svoboda.
Yerli akimiyet bildirgeni kibi, qurtarıcılar endi 50 cesetni taptı.
1964 senesi qurulğan uçaq arbiylerni ve olarnıñ ailelerini taşıy edi. Indonesia Arbiy-ava quvetleriniñ yolbaşçısı Agus Supriatna aytqanı kibi, uçaqta 113 insan buluna edi. O, olardan sağ qalğanlar bar olğanına inana.
Supriatna dey ki, uçucı tehnikiy sebeplerden bazağa qaytmağa izin soradı.
Felâket salı künü, iyün 30-da, yüz berdi. Gerkules S-130 uçağı patlamazdan evel bir qaç evge tiydi.
2005 senesi Medan şeerinde «Boing-737» uçağı tüşti, neticede 143 insan vefat etti.
