Link açıqlığı

Tunis akimiyeti Suss beş yıldızlı musafirhanesi plâjında turistlerge qarşı teraktnıñ teşkil etilmesinde şeklengenler yaqalanılğanı aqta bildire.

İçki işler naziri Nacem Gharsalli bu aqta qısqa bildirüvni seslendirdi, amma tafsilâtlarnı açmadı. O şunı ayttı ki, politsiya taqiqatnı devam ete ve şimdiki malümatqa köre, şeklengender qomşu Liviyanıñ terroristler lagerinde azırlıq kördiler.

38 insannıñ ölümi içün mesüliуetni özüne «İslâm devleti» ekstremist teşkilâtı aldı.

Tunis tarihında eñ qanlı teraktır. Tuniste ücümniñ eñ azından 15 qurbanı – Büyük Britaniya vatandaşlarıdır, bunıñ ile elâk olğanlar arasında Almaniya, Portugaliya, İrlandiya ve Belçika vatandaşları bar.

Tunis prezidenti Beci Kaid Es-Sebsi ükümetke ileride böyle cinayetlerniñ olmaması içün «hususiy qararlarnı» almağa avale etti. Turistlerniñ qoruvı içün silâlı politsiya hadimlerini celp etmege söz bereler. Evel Tunsis akimiyeti memlekette 80 camini qapatmaq planları aqta bildirgen edi – sanki mında ekstremizmge azırlaylar.

XS
SM
MD
LG