Qırımda Partizanlar kününi qayd eteler. Bazarertesi künü, iyün 29-da, Aqmescitte Qırımnıñ partizanlar abidesi yanında tantanalı miting keçti, – haber ete Qırım.Aqiqat.
Bunıñ ile Zabitler evinde toplaşuv keçti, mında toplanğanlarnı Qırımnıñ rusiyeli akimiyetiniñ başı Sergey Aksenov hayırladı.
«Memleket içün ağır daqqaları partizanlar sabır, cesürlikni kösterdiler. Ebet, sizsiz faşist Almaniya üzerinde ğalebemiz olamaz edi. Qırımda yaşağan er bir qorantada bugün añımızda olğan qartbaba-dedeler bar. Olarnıñ qaramanlığı ğalebemizniñ negizidir. Yapqanıñız içün pek minnetdarmız. Bu qaramanlıq er vaqıt yüreklerimizde yaşaycaq», – dedi Aksеnov.
Bildirilgeni kibi, tantanalı toplaşuvda «mukâfatlar berildi». Rusiyeli Partizanlar Künü munasebeti ile kim taqdirlenildi kibi malümatnı Qırım ükümetiniñ matbuat hızmeti bermey.
Partizanlar künü Rusiyede 2010 senesinden iyün 29 künü qayd etile.
