Qırımda, bazar künü, iyün 28-de, Ukrain medeniy merkeziniñ falleri Ukraina Anayasası Kününe bağışlanğan tedbirlerni keçirdiler. Bu aqta merkezniñ tesisçilerinden biri Leonid Kuzmin bildirdi, – haber ete Qırım.Aqiqat.
Onıñ sözlerine köre, Ukrain medeniy merkezi Aqmescitte Ukraina Anayasasına bağışlanğan lektsiyanı azırladı. Lektsiya devamında detsentralizatsiya meselesi ve Ukraina Anayasasına deñişüvlerni kirsetmek zaruriyeti muzakere etildi.
Bunıñ ile faller teşkil etilmesi üzerinde Ukrain medeniy merkezi çalışqan Qırımnıñ ukrain kitaphanesine kirgen ilk kitaplarnı kösterdiler.
Lektsiyadan soñ Ukrain medeniy merkeziniñ temsilcileri Taras Şevçenko abidesine gülçemberlerni qoydılar.
Anayasa Künü – iyün 28-de qayd etilgen Ukraina devlet bayramıdır. 1996 senesi mustaqil ukrain devletiniñ ilk Anayasasınıñ qabul etilmesine bağışlanğandır.
