İyün 24-25 künleri Qırımtatar Milliy Meclisiniñ reisi Refat Çubarov «İnsan belâda» («Člověk v tísni») belli çeh teşkilâtınıñ daveti ile Praganı ziyaret etti, dep bildire QHA.
Ziyaret çerçivesinde Çehiya Tış işler Nazirliginiñ siyasiy müdiri İvan Yestrjab ile körüşti. Körüşüv devamında qırımtatar halqınıñ Qırım ve onıñ tamır halqınıñ taqdiri ile bağlı halqara munaqaşalarda iştiraki muzakere etildi.
Bundan da ğayrı, körüşüv «İnsan belâda» cemaat teşkilâtınıñ ofisinde körüşüv keçti. Refat Çubarov muzakere etilgen mevzular kelecekte muayyen leyhalarnıñ negizi olacağınа ümütini bildirdi.
Ziyaret soñunda Çeh qurucılıq akademiyasınıñ salonında «Çehoslovakiya 1968/Qırım 2014. Eki işğalniñ muvazileri aqqında» açıq cemaat muzakeresi keçti.
