Link açıqlığı

Qırımtatar bayrağı kününe akimiyet tarafından azırlanılğan avto yürüşini Aqmescit rekordlar kitabına kirsetmege isteyler


Aqmescitte Qırımtatar bayrağı kününe bağışlanğan avto yürüşi yüzden ziyade maşinanı topladı. Bunı Qırımnıñ rusiyeli akimiyeti Aqmescitniñ rekordlar kitabına kirsetmege istey, haber ete Qırım ükümetiniñ «ruporı» Krıminform saytı.

«Qırımda büyük avto yürüşi yarımadanıñ qırımtatarlarını birleştirdi. İlk sefer Qırımnıñ er bir köşesinden o qadar insan keldi, er maşinada qırımtatar bayrağı bar edi. Aktsiya devamında rekordnı qayd ettiler, onı mıtlaqa «Aqmescit rekordlar kitabı»na kirsetecekler», – dep tüşüne Qırımnıñ rusiyeli baş nazir muavini Ruslan Balbek.

Teşkiliy komitet Rusiye rekordlar kitabına bunı devlet seviyesinde qayd etmek muracaatı ile bulunacaq

Qırım.Aqiqat bildirgeni kibi, avto yürüşiniñ başında ukrain nomeraları ile Mercedes kete edi.

Tedbir teşkilâtçıları akimiyet tarafdarı olğan qırımtatar cemaat teşkilâtlardır. Bundan evel er yıl qırımtatar bayrağı kününe bağışlanğan tedbirlerni azırlağanlarğa bu sene Aqmescit memuriyetinden red cevabı keldi.

XS
SM
MD
LG