Link açıqlığı

Qırımğa ukrain mahsulatınıñ ketirilüv yasağı yarımadanıñ ticariy ağlarında fiyatlarnı deñiştirmez, Qırım çarşılarında ise – ola bile. Bunı Krım Media agentligine «Qırım ticaretine destek» birliginiñ reisi Sergey Makeyev bildirdi.

Ekspertniñ fikrine köre, Ukrainadan mahsulatnıñ ketirilmemesi Qırım çarşılarındaki mahsulatnıñ fiyatına tesir ete bile.

«Kötere çarşıları esasen Ukrainadan ketirilgen mahsulatnı sata. Şunıñ içün bu qamaçavdan bazarlarda çalışqanlar zarar körer. Anda fiyatlarnıñ köterilmesi mümkün», – dey Makeyev.

Supermarketlerde fiyatlarnıñ köterilmemesi mümkün, Makeyevniñ aytqanı kibi, bu sene regionnıñ aman-aman bütün ticariy ağları Rusiye ve Qırım mahsulatına avuştı.

«Qırımda Ticariy ağlar Ukraina ile çalışıp olamay edi, çünki alâ daa mahsulat içün paranıñ yollanıluv sisteması pekitilmedi. Şunıñ içün bu sene başından olar Qırım ve Rusiye mahsulatnınıñ satın almasına keçti», – añlata Makeyev.

Qırım.Aqiqat bildirgeni kibi, Qırımnıñ şimdiki başı Sergey Aksönov yarımada öz-özüni mahsulat ile temin etip olamaycağını aytqan edi.

XS
SM
MD
LG