Link açıqlığı

Qırımtatar Bayrağı Künü Aqmescitniñ Qırımtatar medeniy-tarihiy asabalığı müzeyinde Ramiz Netovkinniñ sergisi açıldı. Qırım.Aqiqat mühbiri aytqanı kibi, sergi ressamnıñ 55 yıllığına bağışlana.

Serginiñ açılışında Qırımğa 1975 senesi sürgünlikten qaytıp, icadını başlağan ressamnıñ ruhuna dua oqudılar.

Mında bir 60 sergi taqdim etilgen. Ressamnıñ yapqan resimlerinden küçük bir qısmı. «Bu bir manzaralar degil, bu ebediyen saqlanılğan qırımtatar ruhunıñ felsefesi. Resimlerinde ğayıp olğan Qırım degil, ebediy Qırım. Qırım deñişecek, amma ruhu bu resimlerde qalır», – dedi müzey hadimi Şefiha Abdurahmanova.

Netovkinniñ er bir işi unikaldir, dedi sergide Ukrainada nam qazanğan ressam, Qırımtatar ressamları birliginiñ azası Ayder Aliyev. Onıñ aytqanı kibi, Ramiz resimlerinde qırımtatar halqınıñ Vatanğa avdetini añlata edi.

Ramiz Netovkin 1960 senesi Taşkent vilâyeti Almazar qasabasında doğdı. 1980 senesi N.Samokişa adında Aqmescit bediiy oquv yurtunı bitirdi.

Ressamnıñ şahsiy sergileri tek Qırımda degil, Estoniya, Poloniya, AQŞ, Türkiyede keçirilgen edi.

Ressam 2011 senesi iyül 16 künü vefat etti.

XS
SM
MD
LG