Link açıqlığı

Qırımtatarlarnıñ Milliy areket veteranı Kemal Kuku cumaertesi künü saba Qırımnıñ Koreiz qasabasında vefat etti, haber ete QHA.

«Bugün saba, iyün 27-de, Qırımtatarlarnıñ milliy areket veteranı, 83 yaşında Kemal Kuku vefat etti. Cenaze bugün saat 13:00 Koreiz qasabası, Petrovskogo, 27 adresi boyunca keçirilecek», – denile beyanatta.

K. Kuku ailesi 1944 senesi Samarkand şeerine sürgün etildi. 1976 senesi mayıs ayından Novorossiyskte yaşay edi. O, aytılğanı kibi, «turğun vaqıtta», Kuku çetke çekilmedi. Halqnıñ aqları oğrunda küreşke devam etkenler ile bağ qurdı. Qırımtatar milliy areketiniñ teşebbüs gruppası Novorossiyskte büyük teşviqat ve siyasiy işni keçire edi.

Qırımğa Kemal ağanıñ ailesi 1990 senelerniñ başında, anasınıñ toprağı – Yalta civarındaki Koreiz qasabasına qayttı. Tuvğan toprağında yaşağan on yıl devamında o nice regional körüşüvlerge, iş toplaşuvlarına qatnadı. Vatandaşları ile bağnı saqlamaq içün Krasnodar diyarına barıp kele edi.

XS
SM
MD
LG