Krasnoperekopsk rayon mahkemesi Krasnoperekopsk rayonında regional meclis başı Saniye Ametovağa memuriy bozuluv aqta qararnı çıqardı.
Bu aqta Qırımtatar Milliy Qurultayınıñ Merkeziy Saylav Komissiyasınıñ başı Zair Smedlâyev bildirdi.
«Mahkemeci Nikişenko 2015 senesi mayıs 18 künü uyğunlaştırılmağan mitingniñ teşkil etilmesinden sebep oña 10 000 ruble miqdarında para cezasınıñ berilmesi aqta qarar çıqardı», – yazdı Smedlâyev Facebookta.
Aynı böyle qarar mahkeme Krasnoperekopsk rayonı Küçük Mamçıq köyüniñ imamı Yunus Nemetullayevge da çıqardı.
Qırım uquq qoruyıcıları adet üzre bu malümatnı izaatlamay.
Er yıl Qırımda Sürgünlik künü yıllığı munasebeti ile kütleviy tedbirler keçirile edi, şu cümleden Qırım paytahtınıñ merkezinde matem mitingi. Amma 2014 senesi mart ayında Rusiye tarafından Qırım işğal etilgeninden soñ bu kibi aktsiyalarnıñ keçirilmesi yasaq oldı. 2015 senes Qırımtatar Milliy Meclisi kene yerli akimiyetten red cevabını aldı.
