Link açıqlığı

Saatnıñ esas haberi

Aqmescitte Meclis binasında müzeyniñ açılışını başqa künge keçirdiler


İyün 26-da, Qırımtatar Bayrağı Kününe planlaştırılğan «Kalğa-Sultan» tarih ve medeniyet müzeyiniñ açılışını başqa künge keçirdiler. Müzeyni Aqmescitte Şmidta, 2 adresi boyunca yerleşken Meclis binasında açmaq kerek ediler.

Qırım tarih müzeyiniñ tesisçisi ve müzeyniñ teşkil etüv teşebbüsçisi Güliver Altin aytqanı kibi, açılışı biraz keççe olacaqtır.

«Bir sıra tehnikiy meselelerni al etmek kerek. Açılış tarihı aqqında birazdan haber eterim», – yazdı o Facebookta.

Diger malümatı Altin bildirmey.

Müzey açılışı Aqmescitke temel qoyucı I Mengli Gireyge bağışlana, 2015 senesi onıñ ölüminden 500 yıl ola. Evel Qırım.Aqiqat bildirgeni kibi, müzey olacaq binada qırımtatar tiline ögretecek olalar. Bu tedbirler «Qırım» Fondu» baş müdiri Riza Şevkiyev ile uyğunlaştırıldı.

XS
SM
MD
LG