Qırımtatar Milliy Meclisi reisiniñ muavini İlmi Ümerov Qırımnıñ Taqiqat komitetine çağırılğan Bağçasaray rayonınıñ altı sakini 2014 senesi fevral 26 künü aqta ve şimdi Aqmescitniñ SİZOsında bulunğan Meclis reisiniñ muavini Ahtem Çiygoznıñ rolü aqqında sorağanlarını bildire.
Bu aqta Ümerov Qırım.Aqiqatqa bildirdi.
«Sorğuğa çağırılğanlar onıñ (Ahtem Çiygoznıñ – muar.) tanışlarıdır . Menimce, olar Çiygoz advokatınıñ şefaatı ile şaatlar olaraq yardımğa celp etilir», – dedi o.
Ümerovnıñ aytqanı kibi, sorğular bir-bir buçuq saat devam etti. «Kimseni yaqalamadılar, şartlılıqlarğa riayet etildi, sorğudan soñ er kesni yolladılar. Qaba munasebetke kimse şikâyet etmedi», – dedi Meclis reisiniñ muavini.
Evel Qırımtatar Milliy Meclisiniñ reis muavini İlmi Ümerov Qırımda «fevral 26» işi boyunca yañı sorğular aqta bildirgen edi.
Hatırlatamız, 2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.
Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar.
