Link açıqlığı

Qırımnıñ rusiyeli ükümetiniñ kurort ve turizm naziri Sergey Strelbitskiy emindir ki, eger de BMT aza memleketleri Qırımnı Ukraina akimiyetiniñ musaadesi olmadan ziyaret etken Rusiyelilerge qarşı cezalarnı kirsetse, Rusiye turistlerini coya bile.

Bu aqta o RİA Novosti agentligine bildirdi.

«Eger de Avropa yarımadağa diger yollar ile (Ukrainadan degil – muar.) kelgen turistlerni qaydğa almağa istese ve olarnıñ Eski Alem memleketlerini ziyaret etmege aqlarını sıñırlasa, Avropa turizmi içün büyük zarar olur", – dey Strelbitskiy.

Evel İstimalcı aqlarını qoruv cemiyeti Rusiyelilerge Qırımğa Ukraina akimiyetiniñ musaadesi olması ile kirmege tevsiye etti, böylece kelecekte Şengen vizasınıñ resmiyleştirilüvi ile problemlerniñ ögüni almaq mümkün.
Qayd etile ki, halqara uquqnıñ qaidelerine köre, Qırım ve Aqyar işğal etilgen territoriyalar olaraq sayıla ve kiriş nizamınıñ bozuluvı içün cinaiy mesüliуet ola bile.

XS
SM
MD
LG