Link açıqlığı

Saatnıñ esas haberi

Bu sene iyün 26 künü qayd etilecek Qırımtatar bayrağı Kününe ukrain göñüllileri ukrain ve qırımtatar halqlarınıñ birligini temsil etken «Eki bayraq – bir memleket» serlevalı videonı çıqardılar.

«Eki bayraq – bir memleket» kampaniyası Ukrainada bu afta başlandı. Cuma künü Ukrainada Qırımtatar bayrağı Kününe bağışlanğan tedbirler keçirilecek. Kiyevde tedbir iştirakçileri, Ukrainada eñ büyük qırımtatar bayrağını açıp, birlik timsaline toquna bilecekler.

​Aqmescit akimiyeti iyün 26 künü qayd etilgen Qırımtatar milliy bayraq Kününe tedbir ve avto yürüşleriniñ teşkilâtçılarına bayramnı keçirmege üç kere yasaq etti. Bu sebepten qırımtatarlarnı evler ve maşinalarını milliy bayraqlarnen yaraştırmağa çağıralar.

Evel bildirilgeni kibi, iyün 3 künü Kiyevde fleş mob başlandı, maqsadı – qırımtatar bayrağını Ukraina şeerlerinden keçirip, destek timsali olaraq onı qırımlılarğa bermek. Kiyevde Qırımtatar milliy bayraq Kününi marş, avto yürüşi, sergi ile qayd etecekler.

Qırımtatarlarnıñ bayrağı – üstünde altın tamğa tasvir etilgen kök tüslü ketendir. Qırımtatar bayraq künü 2009 senesi teşkil etildi.

XS
SM
MD
LG