Qırımda iyün 24-25 künleri furtuna havfı ilân etilgen. Bu aqta Qırımda Rusiye Fevqulâde işler Nazirliginiñ baş idaresiniñ matbuat hızmeti bildire.
Tahminlerge köre, yarımadada küçlü sağanaq, boranlı yağmur, burçaqnıñ yağması beklenile. Yel küçü 15-20 m/s teşkil ete.
Bunıñ ile qurtarıcılar özenlerde suv seviyesiniñ köterilmesi aqta tenbiyeleyler.
Nazirlikte bu kibi ava şaraitlerinde havfsızlıq qaidelerine riayet etmek ve fevqulâde vaziyetlerde qurtaruv hızmetine telefon etmek kerekligini qayd eteler.
İyün başında Qırım sağanaqlar astında qaldı, olardan sebep Aqmescitniñ soqaqlarını suv bastı, bazı rayonlarda yollar özenlerge çevirildi, aydavcılar maşinalarından suvnı qopqalar ile alıp töke edi.
Mayısnıñ soñunda sağanaqlardan sebep Canköy rayonında evlerni suv basqan edi.
