Link açıqlığı

Kiyev şeeriniñ Peçersk rayon mahkemesiniñ mahkemecisi Yuliy Farkoş çarşenbe künü iyün 24-de qıtaiy Ukrainada QMC prokuraturasınıñ sabıq Qırım deputatı Vasiliy Ganışqa tevqif müddetiniñ uzattırılması aqta şefaatını qabul etti.

Bunı Qırım.Aqiqat mühbiri bildire.

Mahkeme Ganış devlet hainligini etkeni aqta qabaat doğru olğanını tasdiqlağan delillerni qandırıcı olaraq tanıdı.

Sabıq deputatnıñ tevqifi avgust 16-na qadar uzattırıldı, prokuratura ise iyül 19-na qadar uzatmağa rica etken edi.

Vasiliy Ganışnıñ advokatı Andrey Rudenko Qırım.Aqiqatqa aytqanı kibi, mahkeme qararı ile razı degil ve itiraz bildirecek ola eken.

Advokat Andrey Rudenko ve Vasiliy Ganış
Advokat Andrey Rudenko ve Vasiliy Ganış

Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıqışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.

XS
SM
MD
LG