Çarşenbe künü, iyün 24-de, Qırımnıñ Ermeni Bazar şeer mahkemesinde Tair Smedlâyevge nisbeten «mayıs 3» işi boyunca mahkeme toplaşuvı başlandı. Tair Smedlâyev Qırımtatar Milliy Qurultayınıñ Merkeziy saylav komissiyası reisi Zair Smedlâyevniñ qardaşı ola.
Onıñ Qırım.Aqiqatqa añlatqanı kibi, çarşenbe künü azırlıq toplaşuvı keçti, taraflar iş malümatı ile tanış oldı.
«Şimdi er kes işni ögrene. Nevbetteki toplaşuv avgust 4 künü keçecek, o vaqıt endi şaatlar diñlenilecek», – dey Zair Smedlâyev.
Tair Smedlâyev 2014 senesi oktâbr ayında yaqalanıldı. 2014 senesi dekabr ayında onı kefalet ile azat ettiler.
