«Svoboda» firqasından Ukraina halq deputatı Oleg Osuhovskiy Ukraina Havfsızlıq Hızmetini ve Ukraina Tış işler Nazirligini yaqında işğal etilgen Qırımnı ziyaret etken Avropa parlamentiniñ Çehiya deputatı Miloslav Ransdorfnı non grata olaraq tanımağa çağıra. Ukrain deputatınıñ aytqanı kibi, Ransdorf Avropa parlamentinde tarikni azırlamaq niyet etti.
«Belli olğanı kibi, yaqında işğal etilgen Qırımnı ziyaret etken Miloslav Ransdorf «muzakereni» teşkil etmege tırıştı. Onıñ körüşüvinde «Muhalif blok»nıñ temsilcileri buluna edi. Onıñ varaqasında rus telefon nomeraları yazılğanına baqmadan, özüni ukrain mütehassısı olaraq tanıtqan Dmitriy Perlinniñ çıqışını kördik. Ukrainada anayasa islâatı yañlış olğanı aqta söz yürüte edi. Yani muzakerelerge «LHC» ve «DHC» temsilcileri celp etilmey eken. Bu meni ve zenaatdaşlarımnı açuvlattı. Mında tarik olıp keçkeni aqta ilân etik. Mında terroristlerge qol tutqan insanlarnı toplağan Miloslav Ransdorf mesüliyetli olğanını ayttım», – yazdı Facebookta Osuhovskiy.
«Tış işler Nazirligi, Ukraina Havfsızlıq Hızmeti, Devlet sıñır hızmetine muracaatta bulunam, Kiyevge kelip, deputat soravım ile Miloslav Ransdorfnıñ işğal etilgen Qırımda ne içün olğanını ögrenmege talap eterim. Menimce, Ukraina bu tarikçini non grata olaraq tanımalı», – dey deputat.
Evel ukrain akimiyetiniñ bu talabını Ukraina uquq qoruyıcı teşkilâtlarınıñ vekilleri bildirgen ediler.
