Qırımtatarlarnıñ milliy yetekçisi, Ukraina prezidentiniñ qırımtatarlarnıñ işlerinden vekâletlisi Mustafa Cemilev iyün 23 künü Romağa keldi. Mında o İnsan aqları boyunca parlament komiteti toplaşuvında ve Deputat palatasında tış işler boyunca komitetiniñ toplaşuvında iştirak etecektir.
Bunı Cemilevniñ matbuat hızmeti bildire.
«Qırımtatarlarnıñ yetekçisi ukrain diasporası ve italyan matbuat vastalarınıñ jurnalistleri ile körüşecek», – denile beyanatta.
Mında şunı da qayd ettiler ki, «Ukrainanıñ siyasiy şeriklerine işğal etilgen yarımada vaziyeti ile yaqınca tanış olmağa» imkân berecek diger körüşüvler de planlaştırıla.
Qırımda insan aqlarınıñ, şu cümleden qırımtatarlarnıñ aqlarınıñ bozuluvı aqqında daima halqara uquq qoruyıcı teşkilâtlar bildire, amma Qırım akimiyeti bu malümatnı red ete. İyün başında Rusiye tış işler nazirligi «qırımtatar sualini siyasiyleştirmemege» çağırdı.
