Link açıqlığı

Qırım studentleriniñ çoqusı özlerini Qırım vatanperverleri sırasına kirsete, ve tek ufaq bir qısmı kendilerini Rusiye vatanperveri olaraq tanıy, − bu Qırım studentleri arasında keçirilgen soravnıñ neticeleridir. Bunı Qırım Devlet Şurasınıñ tasil, ilim, gençler siyaseti ve sport boyunca komitetiniñ reisi Vladimir Bobkov bildirdi, – haber ete «Novosti Krıma».

Neşirniñ bildirgenine köre, Qırım deputatı dey ki, vatanperverlik aqqında aytqanda, özüni tek «Qırım vatanperveri degil de, Rusiye vatanperveri olaraq da tanımağa müim».

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG