Link açıqlığı

Kiyevde «Qırım sımalarda» leyhasını taqdim etecekler


«M17» Kiyev Zemaneviy sanaat merkezinde «Qırım sımalarda» adlı leyhanı taqdim etecekler. Leyha – Qırımdan ketirilgen ve tabiat elementlerinden yapılğan resimlerniñ sergisi. Sergide qırımtatar yırcısı Elvira Sarıhalil ve türk çalğıcısı Mustafa Kizeledeliniñ muzıkası yanğıracaq. Bunı Qırım.Aqiqatqa ressam, leyha reberi Mila Çizeldayn bildirdi.

«Anda qırımtatar halqını temsil etken zemaneviy ve keçken yıllarnıñ siyasiy ve medeniy erbapları tasvir etilgen», – tarif ete Qırım ressamı.

O, tedbir Qırımtatar Bayrağı Kününe bağışlanğanı aqta bildire.

Teşkilâtçılar deyler ki, körüşüvge halq deputatı, qırımtatar halqınıñ yetekçisi Mustafa Cemilev, halq deputatı, Qırımtatar Milliy Meclisiniñ reisi Refat Çubarov, Ukrainada Türkiye elçisi Yonet Can Tezel, Viktor Pinçuk, Taras Berezovets («FreeCrimea»), Konstantin Kojemâka («ArtHuss») kelecek olalar.

Evel bildirilgeni kibi, Kiyevde Qırımtatar Bayrağı Kününi avto yürüşi ve yarmalıq ile qayd etecekler.

Qırımtatarlarnıñ bayrağı – altın tamğası olğan kök tüslü ketendir. Qırımtatar Bayrağı Kününi 2009 senesi teşkil etildi.

XS
SM
MD
LG