Link açıqlığı

Qırımda «fevral 26» işi boyunca yaqalanğan Ali Asanovğa apis müddetini eki ayğa uzattılar


Qırımda iyün 22 künü nevbetteki mahkeme toplaşuvında «fevral 26» işi boyunca yaqalanğan Ali Asanovnıñ işini baqtılar, mahkeme ceza qararını deñiştirmedi ve tevqifni daa eki ayğa uzattı, – deyler Qırımtatar Milliy Meclisiniñ matbuat hızmetinde.

Böyleliknen, Ali Asanov apiste 2015 senesi avgust 15-ne qadar bulunacaq.

Asanovnı yaşağan İçki rayonınıñ Ferngeym köyünde (Urojaynoye) aprel 15-te yaqaladılar. Uquq qoruyıcı organlarnıñ hadimleri onı bir gece Bağçasarayda tutıp, aprel 16-da Aqmescitniñ Qırım taqiqat komitetine sorğuğa alıp kettiler.

Hatırlatamız, 2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar.

Uquq qorçalayıcılarnıñ malümatına köre, «fevral 26 işi» boyunca 4 qırımtatarı yaqalandı, Asanov beşinci oldı.

XS
SM
MD
LG