Link açıqlığı

Rusiye baş naziri Dmitriy Medvedev ükümet apparatınıñ reberi, baş nazir muavini Sergey Prihodkoğa Avropa birligine qarşı daa yarım yılğa cezalarnı azırlamağa avale etti, haber eteler Rusiye matbuat vastaları.

«Rusiye Federatsiyası tarafından sıñırlayıcı qararlarnıñ kirsetüv müddetini uzatmaq aqqında teklifni prezident adına azırlamağa rica etem», – dedi Medvedev.

Saba iyün 22 künü Avropa birligi 2016 senesi yanvar 31 qadar Rusiyege qarşı onıñ Ukraina ziddiyetindeki rolü sebebinden cezalarnı uzattı.

Bu qarar Avropa birliginiñ tış işler nazirleriniñ Lüksemburgdaki toplaşuvında alındı.
Cezalarnı başta bir yılğa kirsettiler – 2014 senesi iyülde Rusiye tarafından Qırım yarımadasınıñ işğaline cevap olaraq.

XS
SM
MD
LG