Link açıqlığı

Aqyar merkezinde iyün 22 künü Ulu Vatan cenki başlanmasınıñ 74 yıllığı munasebeti ile Aqyar mudafaası abidesi yanındaki Ebediy ateşke gülçemberlerni qoyuv tedbiri keçti.

Qırım.Aqiqat mühbiri bildirgeni kibi,tedbirde yerli uquq çıqarıcı ve icraiy akimiyet vekilleri, Rusiye Qara deñiz flotunıñ yuqarı arbiy memurları, «halq imayesi» vekilleri, «Berkut» ukrain mahsus hızmetiniñ sabıq hadimleri iştirak etti.

İştirakçiler şeerniñ arbiy areketler vaqtındaki rolü aqqında tarif etkenler.

«Aqyarğa Üçünci reyhniñ arbiy-ava quvetleriniñ ilk qurşunları tüşti, şeerge cenkniñ ilân etilmesinden bir saat evelsi urğanlar», – dedi iştirakçilerden biri.

Şu künleri Aqyarda Rusiye milliy-qurtulış areketi tarafından azırlanılğan miting keçken edi. Mında yerli faaller Kiyevni «faşizmden azat etilmesi» ile qorquttılar.

XS
SM
MD
LG