Link açıqlığı

Qırımtatar Milliy Meclisiniñ reisi Refat Çubarov aytqanı kibi, Bütündünya qırımtatarlarnıñ kongressi 2015 senesi avgust 1-2 künleri Ankarada (Türkiye) keçecek.

Bunı o Facebookta yazdı.

«Qırımtatar cemaat, siyasiy teşkilâtları ve areketleri, fond, icadiy birlik, milliy matbuat vastalarınıñ kongresske vekillerini yollav tertibi yaqında aşkâr etilecek», – dey Çubarov.

Evel bildirilgeni kibi, Türkiyede Bütündünya qırımtatar kongressiniñ keçirilmesi iyül 31-den avgust 2-ge qadar planlaştırıla edi. Kongressni toplamaq qararı aprel 4-5 künleri Ankarada olıp keçken Türkiyedeki qırımtatar teşkilâtları platformasınıñ toplaşuvında qabul etildi. 2015 senesi fevral ayında Türkiyedeki 43 qırımtatar teşkilâtı ğayretini birleştirip, yekâne platforma çerçivesinde işbirlik tutmağa qarar aldılar.

Qırımtatarlarnıñ milliy lideri Mustafa Cemilev kongress delegatlarınıñ yarımadağa qaytması ile bağlı problemleri ola bilecegini tahmin ete.

Birinci Bütündünya qırımtatar kongressi Aqmescitte 2009 senesi mayıs ayında olıp keçken edi. 800 delegat iştirak etti – 12 memleketten 160 qırımtatar cemaat siyasiy teşkilâtınıñ vekili. Kongress prezidenti olaraq Refat Çubarov saylanğan edi.

XS
SM
MD
LG