Link açıqlığı

Qırımdaki tevqifler cemiyette ziddiyetlerni arttıra – advokat


Advokat Cemil Temişev Qırımdaki tevqifler yarımada cemiyeti arasında içki zidditlerni artırğanı aqta tüşüne ve «fevral 26» işi boyunca yaqalanğanlarnıñ işlerinde yerli akimiyetniñ aqıl-ferasetine ümüt besley.

Bunı o Qırım.Aqiqatqa bildirdi.

Advokat «fevral 26» işi boyuca yaqalnğanlarnıñ azat etilmesini Qırım müftisi kefaleti ile azat etilgen Eskender Nebiyevniñ misalinde talap ete bilecegini tüşüne.

Temişev şunı qayd etti ki, bu insanlarnıñ SİZOda bulunmasından fayda olmay da, «cemiyetniñ açuvı» arta.

«Bunı advokat olaraq körem. Şimdi cemiyetimiz Qırımda tınçlanmaq, bir-birini añlamaq kerek. Fevral 26 künü işleri ise çeşit ziddiyetler içün bir sebeptir», – dedi o.

«Eger de akimiyet açıq-aydın zulum ve ayırım yolunı saylasa, insanlarnı qapatacaq olsa, vaziyet yavaş işlegen bir bomba olaraq kerginleşir», – dey advokat

2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar.

Aprel 22-de işbu iş boyunca ATR qırımtatar telekanalınıñ operatorı Eskender Nebiyev apiske alındı, bundan evel ise Ali Asanov da apiske alınğan edi.

XS
SM
MD
LG