Link açıqlığı

Qırımda ermeni, bulğar ve yunanlarnıñ sürgünligi hatırasına matem tedbirlerini azırlaylar


Qırımda iyün 24 künü ermeni, bulğar ve yunanlarnıñ sürgünligi hatırasına matem tedbirlerini azırlaylar, haber etti »Rossiya segodnâ» radiosınıñ efirinde Qırımnıñ Rusiye ükümetiniñ milletlerara munasebetler ve sürgün olunğan grajdanlarnıñ işleri boyunca devlet komitetiniñ reisi Zaur Smirnov.

Bunı Devlet komitetiniñ matbuat hızmeti bildire.

«Bugünki künde, Qırım ükümeti milliy-medeniy cemiyetler ile birlikte Qırımdan ermeni, bulğar ve yunanlarnıñ sürgünligi qurbanlarınıñ hatıra Kününe bağışlanğan matem tedbirlerine azırlıq köreler. Bu sene mays 18 kününiñ keçirilüv tecribesi qararımız doğru olğanını kösterdi — matem künlerini siyasetleştirmemek, hatıra künlerine uyğun bir tedbirlerni keçirmek kerek», – dedi Smirnov.

Onıñ sözlerine köre, iyün 24 künü matem duaları, abidelerge gülçemberlerni qoyuv merasimleri keçirilecek.

«Bütün tedbirler din adamları tarafından desteklenilecek», – dey o.

O emindir ki, mayıs 18 olğanı kibi, iyün 24 de «er aтgi millet ve dinge mensüp olğan qırımlılarnı birleştirir».

Er yıl Qırımda mayıs 18 künü qırımtatarlarnıñ sürgünligi munasebeti ile kütleviy tedbirler keçirile edi, şu cümleden Qırım paytahtı merkezinde matem mitingi. Amma 2014 senesi mart ayında yarımadanıñ Rusiye tarafından işğal etilgeninden soñ bu kibi tedbirlerni keçirmege yasaq etken ediler. Bu sene de Qırımtatar milliy Meclisi yerli akimiyetten mitingni keçirmege izin alalmadı. Qırım akimiyeti sürgünlik munasebeti ile 2015 senesi bağışlanğan tedbirlerni yañı şekilde — adetiy matem mitingini keçirmeyip ötkerdi.

XS
SM
MD
LG