Link açıqlığı

Rusiye ve Ukraina «bir şeyge baqmadan, umumiy kelecekni yaşaycaq», – dedi Rusiye prezidenti Vladimir Putin cuma künü, iyun 19-da, halqara iqtisadiy forumında.

RİA Novosti bildirgeni kibi, Putin kene de aynı şu lafını tekrarladı: «rus ve ukrainler – bir halq, qavim, er alda». Putinniñ fikrine köre, bu halqlarnıñ medeniy hususiyetleri bar, amma tarih ve medeniyeti aynıdır.

«İlk evelâ şunı qayd etemiz ki, Ukrainanıñ şahsiy medeniy, siyasiy, iqtisadiy saylavını etmek içün aqqı bar», – dey Putin.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG