Pakistan musulmanlar içün muqaddes Ramadan ayı devamında idamlarnı toqtattılar. Memleketniñ baş naziri Navaz Şarif «aynıñ muqaddesiligini» saqlamaq içün böyle qararnı qabul etti.
Pakistan rayonlarından çoqusında Ramadan iyün 19 künü başlaycaq.
2014 senesi dekabr ayında Pakistan ölüm cezalarınıñ amelge keçirilmesine yasaqnı qısmen lâğu etti. Bu qarar Peşavara mektebinde taliblerniñ ücüminden soñ alındı, neticede 150 insan qurban oldı.
Neticede Şarif bütünley idam yasağını lâğu etti, o vaqıttan Pakistanda bir 150 insan öldürildi.
Ramadan muqaddes ayı devamında musulmanlar oraza tutmalı, yani kündüz aş ve suvdan vazgeçmeli. Orazadan ağırayaqlı ve emizdirgen qadınlar, yedi yaşqa yetmegen balalar, hasta ve qart insanlar, seyahatçılar boşatıla.
