İyün 19 künü Kiyevniñ Peçersk mahkemesinde «Aydar» batalyonınıñ «tatarin» lağabı ile belli olğan askeri, qırımlı Enver Velilâyevniñ işi boyunca nevbetteki toplaşuv keçirilmek kerek. Toplaşuvda «Aydar» askeriniñ oña ceza qararınıñ deñişmesi aqqında itirazı baqılacaqtır.
Qırım.Aqiqat bildirgeni kibi, mahkeme toplaşuvı prokuror Yuriy Zubkovnıñ keç qalması sebebinden uzandı. Mahkemege Qırımtatar Milliy Meclisiniñ reisi Refat Çubarov keldi, o kefil olmağa istey. Enverniñ özü toplaşuvda «Skypе» vastası ile iştirak ete.
Prokuror kelmegence mahkemeci 15-20 daqqalıq teneffüsni ilân etti.
«Aydar» askeriniñ advokatı İgor Fedosük aytqanı kibi, ceza qararınıñ deñişecegine ümüt bar. «Qırımdan çıqıp, «Aydar» batalyonı terkibinde devletni qorumağa ketti», – dedi Qırım.Aqiqat mühbiri.
Evel Kiyevniñ apellâtsion mahkemesi Enver Velilâyev itiraz şikâyetini lâğu etip, onı iyül 12-ne qadar qaldırdı.
Batalyonda haber etkenleri kibi, Velilâyevni sahte sebeplerge köre yaqaladılar.
