Qırımda Krasnoperekopsk regional meclisiniñ başı Saniye Ametovanıñ işi boyunca mahkeme toplaşuvı iyül 25-ne keçirildi.
Bunı Qırım.Aqiqatqa Qırımtatar Qurultayınıñ merkeziy saylav komitetiniñ başı Zair Smedlâyev bildirdi.
Onıñ malümatına köre, Ametovanıñ işini iyül 18 künü baqmağa başladılar, amma Küçük Mamçıq köyüniñ imamı ile olğanı kibi, mahkeme «iş malümatlarını daa da tafsilâtlıca ögrenmek ve şaatlarnı çağırmaq zaruriyeti sebebinden» toplaşuvnı başqa künge keçirmege qarar aldı.
Toplaşuvda bulunğan Smedlâyev işniñ mahkemede baqılmasınıñ toqtatılması – «politsiya hadimleriniñ protokol tizilmesinde diqqatsız davranışı» olaraq adladı.
«Mitingniñ keçirilmesi yasaq olmağanını añlamaq kerek. Mahkeme qararı ve mesülуiet aqqında tenbiyelegen mahkeme hızmetçileri yoq edi. Amma neticede insanlar duada iştirak etti ve gülçemberlerni qoydılar, buña izin kerekmey», – dedi Smedlâyev.
Qırımda Krasnoperekopsknıñ rayon mahkemesi iyün 18 künü Küçük Mamçıq köyüniñ imamı Yunus Nemetullayevniñ işinde teneffüsni ilân etti, onı 2015 senesi mayıs 18 künü matem mitinginde iştiraki sebebinden qabaatlaylar.
Qırım uquq qoruyıcıları adet üzre bu malümatnı izaatlamay.
