Link açıqlığı

Cemilev Ukraina İçki işler Nazirliginiñ Qırım boyunca mahsus idaresiniñ hadimleri arasında qırımtatarlarnı körmege istey


Ukraina prezidentiniñ qırımtatarlarnıñ işlerinden vekâletlisi Mustafa Cemilev Ukraina İçki işler Nazirliginiñ Qırım boyunca mahsus idaresiniñ teşkil etilecegini alğışladı ve hadimler arasında qırımtatarlarnıñ olacağına ümüt besley.

Bunı Vekâletliniñ matbuat hızmeti bildire.

«Yañı mahsus idare işke Qırım vaziyeti aqta bilgen uquq qoruyıcılarnı, şu cümleden qırımtatarlarnı da, işke celp etmege imkân yaratır. Yani, qırımlılar bu kibi tertibatlarğa milliy mensüpligi sebebinden qabul etilmegen zamanları artta qaldı», – deyler müessisede.

Mında şunı da qayd ettiler ki, Mustafa Cemilev Ukraina içki işler naziri Arsen Avakovğa mektüp yolladı.

«Ukraina qanuniyeti ile militsiyağa vatandaşlarnıñ ayat, sağlıq, aq ve serbestligini, tabiatnı, cemiyet ve devlet menfaatını qanunsız areketlerden qorumaq mesüliуeti yüklenilgenine köre, işbu vazifelerni Qırım Muhtar Cumhuriyeti ve Aqyar şeerini nazarğa almayıp, amelge keçirmege mümkün olmağanını tüşünem», – denile mektüpte.

Evel bildirilgeni kibi, Ukraina İçki işler naziri Arsen Avakov Qırım Muhtar Cumhuriyeti boyunca İçki işler Nazirliginiñ mahsus idaresiniñ teşkil etilmesi aqta bildirdi. İşbu bölükniñ yolbaşçısı vazifesine Odessa vilâyetiniñ militsiya baş bölüginiñ sabıq başı İvan Katerinçuk tayinlendi.

XS
SM
MD
LG