Ramadan ayında ATR yayınlavınıñ yañartıluvını timsaliy olaraq adladı.
Bunı o iyün 18 künü Kiyevde keçirilgen matbuat konferentsiyasında bildirdi, haber ete Qırım.Aqiqat.
O, ilk nevbette, telekanalnıñ seyircileri içün maarif ve medeniy emiyetini qayd etti.
«Bu telekanal qırımtatarlar içün tek ruhiy rupor degil de, er kesni birleştirgen bir meydançıq oldı», – dey o.
«Bu kibi adımlar ile biz yalıñız Qırımda yaşağan vatandaşlarımızğa namusnı saqlamağa yardım etmeymiz de, kene birleşmek içün olarnı saqlaymız degen bir ümütim bar. Eminim, ATR issesi mında büyük olur», – dedi Çubarov.
ATR saibi Lenur İslâmov Ramadan ayında yayınlavnıñ yañartıluvı «qıtaiy Ukrainada startnı qolaylaştırır» degen ümütindedir.
ATR yayınlavınıñ yañartuvı aqqında iyün 17 künü belli oldı, çarşenbe künü aqşam telekanal efirini Bağçasaray Han sarayında gimnniñ icrasından başladı. «Lâle» bala telekanalı da işke devam etti.
Qırımnıñ rusiyeli akimiyetinden bu aqta izaatı daa yoqtır.
Aprel 1-den dünyada yekâne ATR qırımtatar telekanalı, Rusiye litsenziyasını elde etalmayıp, yarımadada yayınlavını toqtattı.
ATR haber muarririyeti telekanal saytında aşkâr etilecek haber süjetlerini ve mahsus levhalarnı çıqarmağa devam ete
Birazdan telekanalda şunı bildirdiler ki, ATR haber muarririyeti telekanal saytında aşkâr etilecek haber süjetlerini ve mahsus levhalarnı çıqarmağa devam ete eken.
ATR yayınlavınıñ toqtatılması ile cumhuriyet akimiyeti qırımtatar cemaat telekanalını teşkil etmek teşebbüsini bildirdi. Onıñ fikrine köre, bu kanal qırımtatarlarnıñ doğru malümatnı elde etmek aqqını teminler.
