Rusiye jurnalisti Аyder Mujdabayev «Moskovskiy komsomolets» gazetasından boşatılmasını bildire. Çarşenbе künü, iyün 17-de, «öz istegi ile arizanı» yazdı.
Bu aqta Mujdabayev Facebook saifesindi bilrdi.
«Bazarertesi künü., iyün 22-den soñ, gazeta hadimi artıq olmayım. Bu qararnı tafistilâtlıca ve er kesniñ ögünde añlatmaycam, bu – menim qararımdır», – dedi jurnalist.
O,neşirniñ baş muarriri Pavel Gusev ve diger hadimlerge minnetdarlığını bildirdi.
«Serbest mevzu» rubrikasınıñ müelliflerine, mennen muarrir olaraq işlegen belli Rusiye ve ecnebiy publitsist, jurnalist, cemaat erbapları ve dostlarıma teşekkür etem. Bu soñkii beş yıl zenaat ayatımnıñ eñ yahşı ayları edi. Men içün şeref edi. Eminim, meni añlarsız», – yazdı Mujdabayev.
Ayder Mujdabayev «Moskovskiy komsomolets» baş muarririniñ muavini edi, İnsan aqlarını qoruvı boyunca Moskva Helsinki gruppasınıñ mukâfatı namzetidir. Jurnalist Radio Svobodanıñ daimiy musafiridir. Mujdabayev ile intervyü ve blоgları Qırım.Aqiqat saytında aşkâr etile.
