Uquq qoryıcılarnıñ işğal etilgen Qırımda vatandaşlarnıñ demokratik serbestligi ve aqlarınıñ bozuluvı ile vaziyetniñ aqqında esabatları Avropa Şurasınıñ Parlament Assambleyasında ukrain eyyeti tarafından qullanıla bile.
Bunı Qırım.Aqiqatqa halq deputatı, Ukraina Yuqarı şurasınıñ insan aqları, milliy azlıqlar ve halqara munasebetler boyunca komitetiniñ reisi muavini Georgiy Logvinskiy bildirdi.
«Keleck afta bu vesiqalarnı Avropa Şurasınıñ Parlament Assambleyasında qullanacaqlar. Bular cezalarnı kirsetmek, vesiqalarğa tayanmaq ve öz mevamını tasdiqlamaq imkân yarata. Menimce, bular ğayet müim şeyler ve bunı devam etmek kerek», – dedi Logvinskiy, Qırımda insan aqları ile bağlı vaziyet aqta ukrain ve türk uquq qoruyıcılarınıñ esabatlarını izaatlap.
O dey ki, Rusiye uquq qoruyıcıları da yarımadada insan aqlarınıñ bozuluvını teşkereler, amma öz faaliyeti aqqında bir şey aytmaylar.
«Er şey pek yavaş keçirile. Çünki Qırım – Rusiye degil. Bandit teşkilâtıdır. Havflı, şunıñ içün olar muqaytlıqnen areket eteler.
Türkiyeden Qırımğa insan aqlarınıñ vaziyetini ögrenmek içün yollanğan ğayrı resmiy eyyet yolbaşçısı Zafer Üskül bildirdi ki, eyyet Qırımda söz serbestligi, mahkeme meseleleri, tasil, mal-mülk ve mesken toqunmamazlığı ile bağlı insan aqlarınıñ bozulmasını qayd etti
