Link açıqlığı

Saatnıñ esas haberi

Qırımda bayraq ve tuğranıñ aramlanılması içün para cezalarını tasdiqladılar


Qırımnıñ rusiyeli Devlet Şurası iyün 17 künü keçken toplaşuvda cumhuriyetniñ devlet timsalleri – tuğra, bayraq ve gimnge sayğısızlıq kösterilmesi içün para cezalarını belgiledi, haber ete Qırım.Aqiqat.

Toplaşuvda añlatılğanı kibi, mesüliet «Qırım Cumhuriyetinde memuriy bozuluvlar aqqında» qanunğa köre belgilene.

Böyleliknen, Qırım devlet timsalleriniñ resmiy qullanuv nizamınıñ bozuluvı içün tenbiye ya da para cezası berile. Vatandaşlar içün para cezasınıñ miqdarı – 300-500 ruble, vekâletli insanlar içün – 2-4 biñ ruble, yuridik şahıslar içün – 20-50 biñ ruble.

Bayraq ve gimnge sayğısızlıq kösterilmesi içün vatandaşlarnı 1-2 biñ ruble, vekâletli insanlarnı – 5-10 biñ rublege cezalaycaqlar.

Vesiqa Qırım Cumhuriyetiniñ devlet mukâfatlarınıñ qanunsız sürette yapılması ve taşılması içün para cezalarını da belgiley: vatandaşlar içün – 300-500 ruble, vekâletli insanlar içün – 2-4 biñ, yuridik şahıslar – 5-10 biñ ruble.

XS
SM
MD
LG