Link açıqlığı

Ermeni Bazarnıñ sabıq şeer başı Qırımnıñ İqtisadiy inkişaf Naziri oldı


Qırımnıñ rusiyeli başı Sergey Aksönov Emeni Bazarnıñ sabıq şeer memuriyetiniñ başı Valentin Demidovnı Qırımnıñ İqtisadiy inkişaf Naziri vazifesine teyinledi.

Bunı Qırımnıñ rusiyeli Devlet Şurasınıñ reisi Vladimir Konstantinov iyün 17 künü Qırım parlamentiniñ toplaşuvında bildirdi haber ete Qırım.Aqiqat mühbiri.

«Onıñ (Demidovnıñ – muar) iş tecribesi büyüktir, qolay omlağan regionnıñ tübünden çıqtı. Yañı vazifede muvafaqiyet tileyik ve elbtte ki, öz regionını unutmasın, oña yardım etsin», – dey Konstantinov.

Demidov şunı qayd etti ki, Qırımnıñ İqtisadiy inkişaf Nazirliginde iş onıñ içün «pek müim ve mesüliyetli bir adımdır».

«Ğayet ciddiy ve miqyaslı vazifeler ögümizde tura, ilk evelâ Qırımnıñ yañı iqtisadiy inkişaf strategiyasınıñ işlep çıqarılması», – dedi yañı nazir.

Emiyetli vazifeler arasında o yarımadada yatırımcılar içün oñaytlı şaraitlerniñ pekitilmesini de qayd etti.

XS
SM
MD
LG