Aluştada iyün 17 künü «Aluşta gülü-2015» festivali çerçivesinde çay gülü yapraçıqlarınıñ cıyuvı boyunca yarış keçirilecek. Teşkilâtçılarnıñ malümatına köre, yarış Aluşta sovhoz zavodınıñ gül tarlalarında keçecek, – haber ete Qırım.Aqiqat.
Aluşta istiraat evi ve şifahaneleriniñ komandaları iştirak etecek, ğaliplerge ediyelerni bermege vade eteler.
Bunıñ ile «Aluşta gülü-2015» festivali çerçivesinde şeer yalı kenarında bayram programması planlaştırıla. Yapraçıqlarnıñ cıyuvı boyunca yarışınıñ ğaliplerini taqdirleycekler, «Qırım Provansı» ressamlarınıñ resim yarışı, icadiy taqımlarnıñ çıqışları, gül yapraçıqlarından çay ve tatlınıñ tadına baqılması, «Gül Qıraliçesi»niñ saylavınıñ olması planlaştırıla.
