Rusiyede vandalizmde qabaatlanğan ressam Pötr Pavlenskiyge nisbeten cinaiy işni mahkemege yolladılar. Pavlenskiyniñ advokatı Dmitriy Dinze aytqanı kibi, müşterisine qabaat endi berildi, haber ete «İnterfaks».
Aprelde Peterburgnıñ taqiqat organları Pavlenskiyge nisbeten cinaiy işniñ taqiqatını bitirdi.
Taqiqat çerçivesinde içtimaiy-ruhiy-lingvistik teşkerüvi keçti, neticede vandalizm cinayeti belgilendi. Ekspertlerniñ aytqanı kibi, Pavlenskiy «Malo-Könüşennıy köprüni aramladı ve cemiyetke sayğısızlıqnı kösterdi». O, kendi qabaatını tanımay.
Pötr Pavlenskiy 2014 senesi fevral soñunda Peterburg merkezinde ukrain Maydanı destegine köpçek qapılarını yaqqanda tutıldı.
Pavlenskiy öz narazılıq numayışları ile bellidir. 2013 senesi o kendi yımırta torbaçığını Moskvada Qızıl meydanındaki taşçıqlarğa qaqtı. Yıl evelsi o Pussy Riot pank taqımına destek bildirip ağıznı tikken edi.
