Link açıqlığı

Saatnıñ esas haberi

Musulmanlarnı Aqmescitniñ merkeziy camisine iftarğa davet eteler


Aqmescitniñ merkeziy Kebir camisinde musulmanlar içün muqaddes Ramadan ayında iftarlarnı keçirmege azırlanalar.

Qırım Musulmanları Diniy İdaresi bildirgeni kibi, birinci iftar camide iyün 18 künü, orazanıñ birinci farz kününden soñ, keçecek.

«İftar – Yüce Allahtan büyük bir nimettir. İftarlar çeşit içtimay tabaqalarğa ait olğan insanlarnı birleştire, olar Rabbimizge dua ete, orazanı birlikte açalar, bir-biriniñ problemleri aqqında bile, yañı bilgiler alalar. İftar ümmetniñ birleşüvine fırsat yarata», – denile beyanatta.

Cami azbarında 150 insanğa çadır qoyulğan, masa ve kürsüler ketirilgen. Bedava iftarlar Ramadan ayı devamında er kün keçecek.

Muqaddes Ramadan ayı bu sene iyün 18 künü başlanacaq.

Ramadan muqaddes ayı devamında musulmanlar oraza tutmalı, yani kündüz aş ve suvdan vazgeçmeli. Orazadan ağırayaqlı ve emizdirgen qadınlar, yedi yaşqa yetmegen balalar, hasta ve qart insanlar, seyahatçılar boşatıla.

XS
SM
MD
LG