İyün 20-21 künleri Kiyev Pirogovo Müzeyinde keçirilecek «Krayina mrіy» etno-festivalinde «Qırım alanını» teşkil etecek olalar.
Leyhanı «KrımSOS» cemaat teşebbüsi yardımı ile «Qırım evi» devlet şirketi amelge keçire.
«Qırım alanında sizni qırımtatar oyun, adetiy çölmekçilik boyunca master klasslar, lezzetli pilâv ve qırımtatar çiberekleri, Qırımnıñ qadimiy adetlerine köre pişirilgen qave ve çay subetleri bekley», – deyler teşkilâtçılar.
«Krayina mrіy» – Kiyevde eñ büyük open-air, Ukrainada miqyaslı world music. Bu sene tedbirde 3 muzıka sanası olacaqtır: World Music Stage, Ethno-Jazz Stage ve Disco-Lounge Stage. Mında eñ eyi ukrain ve halqara çalğıcıları çıqışta bulunacaq.
Festival musafirleri Ukrainian Fashion Week etno-fashion meydançığını, ustalar yarmarlığını, bala alanını, qavmiy yemek ve halq ünerleri boyunca master klasslarnı taparlar.
Bilet fiyatı 50-400 grivna tura, biletlerni online satın almaq mümkün.
Teşkilâtçılarnıñ malümatına köre, festivalge baracaq sakinler içün «Teremki» metro stantsiyasından er 5-10 daqqa Pirogovoğace mahsus avtobuslar yürecek. Şahsiy naqliyatı ile kelgen seyirciler içün bedava duraqlar olacaq. Bunıñ ile «Krayina mriy» festivaliniñ avtobusları diger şeerlerde yaşağan musafirlerni doğrudan evlerinden festivalge ketirmege azırlar.
