Aqyar saylav komissiyasınıñ yolbaşçısı muavini Roman Şamraynıñ öldürüvinde şeklengen şahıs apiske alındı. Cinaiy iş açıldı, dep haber ete Krım.Media.
Qırım Rusiye Taqiqat komitetiniñ Devlet Taqiqat idaresi reberiniñ yardımcısı Yevgeniya Belikova neşirge bergen malümatına köre, politsiya hadimleri bu öldürüvde şeklengen eki erkekni yaqaladı. Olardan biri, 1986 senesi doğma, apiske alındı.
Neşirniñ yazğanına köre, cinaiy iş «öldürüv» maddesi boyunca açıldı, cinayetçi 6 yıldan 15 yılğa qadar azatlıqtan marum qala bile.
Qırımnıñ Rusiye uquq qoruyıcı organlarınıñ saytlarında bunıñnen bağlı resmiy haber yoq.
Malüm olğanı kibi, Aqyar şeeri saylav komissiyasınıñ reis muavini Roman Şamray iyün 14-ke keçer gecesi öldürildi.
Aqyar Rusiye Qanun çıqarıcı meclisiniñ matbuat hızmeti bildire ki, iyün 17-de Pokrovskiy katedral kilsesinde onıñnen vedalaşacaqlar.
