Link açıqlığı

Qırımdaki «Artek» bala merkezinde bala lageriniñ 90 yıllığı munasebetinen 1925 senesiniñ müiti yaratıldı. Bunı merkezniñ müdiri Aleksey Kasprjak «Rossiya segodnâ» radiosınıñ yayınında ayttı, – dep haber ete RİA Krım.

Onıñ aytqanına köre, «tarihiy rekonstruktsiya» çerçivesinde balalar çadırlarda gecelediler, saba born seslerine uyandılar ve Ayu-Dağğa çıqtılar.

«Bazıda ömürniñ qıyın meselelerini keçmiş örneklerine muracaat etip al etmek mümkün. Bunı balalarğa da aşlamağa tırışamız. Balalar ocaq yanında oturıp laf eteler, itibarlı ve samimiy munasebetler ne qadar müim olğanını añlaylar», – dedi o.

Kasprjaknıñ aytqanına köre, «Nesiller körüşüvi» çerçivesinde «Artekte» bu lagerde raatlanğan tahminen 700 kişi toplaştı, olardan eñ büyügi «Artekte» 1939 senesi olğan edi.

Malüm olğanı kibi, Rusiye baş naziri Dmitriy Medvedev iyün 16-da «Artek» bala merkeziniñ 90 yıllığı ile bağlı tantanalı tedbirlerde iştirak etecek.

Rusiyeniñ Qırım işğalinden sebep Ukrainanıñ «Artek» Halqara bala merkezi» Devlet müessisesi Kiyev vilayetinde işine yañıdan başlap, «Puşça-Ozernaya» şifahanesinde yerleşe.

Qırımnıñ Rusiye Nazirler şurası «Artek» bala lageriniñ mal-mülkini 2015 senesi mart ayında Rusiye federal mülkiyetine berdi.

Ukraina Baş prokuraturası yanındaki Qırım Muhtar Cumhuriyetiniñ prokuraturası Qırımdaki «Artek» halqara bala merkeziniñ «devletleştirilmesi» boyunca cinaiy işni açtı.

XS
SM
MD
LG