Link açıqlığı

Saatnıñ esas haberi

Ermenistan taqiqat komiteti: Gümri şeerinde Rusiye arbiy hızmetçisi cansız alda tapıldı


Ermenistannıñ Gümri şeerinde 102 Rusiye brigadasınıñ arbiy hızmetçisi cansız aldа tapıldı.

Bunı İnterfaks agentligine Ermenistan Taqiqat komitetiniñ matbuat kâtibi Sona Truzân bildirdi. Onıñ sözlerine köre, Rusiyeliniñ cesedi «Ermenistan ana» abidesi yanında tapıldı. «Öldürüv» maddesi boyunca cinaiy iş açıldı, teşkerüv keçirile.

Elâk olğan asker 2015 senesi yanvar ayında ermeni ailesiniñ öldürüvinde qabaatlanğan Valeriy Permâkovnıñ hızmet etken bazasında hızmette buluna edi. Evel Ermenistanda Permâkovnı Ermenistan mahkemesine bermek talabı ile narazılıq numayışları keçken edi.

Rusiye Baş ştabında öldürüvden soñ aytqanları kibi, arbiy hızmetçiler 102-nci arbiy bazasını 2016 senesi baarde terk etecek.

XS
SM
MD
LG