Bazarertesi iyün 15-de Rusiye baş naziri Dmitriy Medvedevniñ Qırımğa iş ziyareti planlaştırıla. Mında o ticaret inkişafı meseleleri aqqında muşavereni keçirecek ola.
Bu aqta Rusiye ükümetiniñ saytında aytıla.
Şu cümleden, muşaverede ufaq ticaretniñ ödünç resurslarına irişim, faaliyetniñ ayrı çeşitleriniñ litsenziyalaştıruvı, Qırımda serbest iqtisadiy zonasınıñ olması kibi sualler muzakere etilecek.
«Ziyaret çerçivesinde ükümet reisi Aqyarda «Terruar» şarap şirketiniñ istisal tsehi ve ameliyathanelerini teşkerecek», – denile anonsta.
İyün 16 künü Medvedev, beyanatqa köre, «Artek» Halqara bala merkeziniñ 90 yıllığına bağışlanğan tantanalı tedbirlerde iştirak etecektir
«Artek» halqara bala merkezi» Ukraina devlet şirketi bu yazda işine devam ete ve Qırım işğali vaqtına Kiyev vilâyetine köçe. Şimdilik lager «Puşça-Ozörnaya» şifahanesinde olacaq.
Malüm ki, 2014 senesi qıtaiy Ukrainağa köçken «Artek» hadimleri «Artek-Karpatı» lagerini teşkil ettiler. Mında qıtaiy Ukrainağa Qırım «Artek» lagerinden köçken ocalar çalışa.
Ukraina Baş prokuraturası yanındaki QMC prokuraturaı Qırımda «Artek» halqara bala merkeziniñ «milliyleştirüvi» boyunca cinaiy iş açtı.
Ukraina Tış işler nazirligi UNESKO, halqara teşkilâtlarnı, dünya toplulığını Qırımnıñ şimdiki akimiyeti tarafından «Artek»niñ Rusiye federal müliketine berilmesini takbih etmege çağırdı.
