Link açıqlığı

Amerika Qoşma Ştatları ve Avropa birligi Ukrainada Rusiye Federatsiyasınıñ arbiy istilâsı artsa, Rusiye vatandaşları ve şirketlerine qarşı kirsetilecek yañı cezalarnı azırlaylar. Bunı CNN Amerika telekanalı AQŞ ve AB diplomatlarınıñ aytqanlarına esaslanıp bildire, dep yaza Meduza.

Kanalnıñ malümatına köre, yañı cezalarnı kirsetüv qararı şimdilik yoq. Yañı cezalar ğarp memleketlerine iş tutmaq yasaq etilecek maliye, energetik ve mudafaa alanınıñ şahıs ve şirketleriniñ cedvelini arttırmaqnen bağlı.

«(AQŞ ve Avropa) liderleriniñ Rusiye istilâsına cevap bermek bir sıra usulı bar, tez areket etilecek. Aftalar aqqında laf ketmey», – dep ayttı CNN menbası.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG