Link açıqlığı

9 kişi Tbiliside yüz bergen suv basuv neticesinde elâk oldı. Radio Svoboda mühbiri bildire ki, daa 8 insan ğayıp oldı.

Şeer yolbaşçısı İrakliy Lekvinadzeniñ aytqanına köre, onlarnen qoranta evsiz qaldı.

Gürcistannıñ paytahtında ve onıñ civarında yağğan sağanaq neticesinde azbar ve yüzden ziyade şahsiy evniñ birinci qatlarını, bir sıra yol keçiti ve meydannı suv bastı, yol, elektrik yolaqları ve infrastruktura oyektleri zarar kördi.

Vera özeninde suv seviyesi arttı. Suv onlarnen ev ve maşinanı yuvıp attı.

Ayvanat bağçasınıñ bir qısmı suv altında qaldı. Eki hadimi qurbanlar arasında.

Bazı ayvanlar can berdi, bazıları, şu cümleden qaplan ve ayuvlar qafeslerden qaçtı. Olardan bazılarını yuqlatıp ayvanat bağçasına qaytardılar, bazılarını ise öldürmege mecbur oldılar.

XS
SM
MD
LG