Link açıqlığı

Kiyev göñüllileri köçip kelgen balalar içün yaz lagerini açacaq olalar


Kiyev göñüllileri Donbasstan köçip kelgen balalar içün yaz lagerini açmağa planlaştıralar ve onı abadanlaştırmaq içün yardım soraylar, dep haber ete «5 kanal».

«Podoldaki Frolovskaya, 9/11 soqağında 12-17 yaşında balalar içün göñülliler çalışa, balalar içün ustalarnıñ dersleri, sport yarışları ve Kiyev kezintileri teşkil etilecek. Böylece, göñülliler gençlerni Kiyevniñ musafirçenligi ile tanış etecek olalar. Olar yardım isteyler. Boya, fırçı, suv, balaban şemsiye ve naqliyat kerek», – dep ayttı telekanalnıñ jurnalisti.

Faaller leykoz hastalığı olğan eki balağa para toplamaq içün Kiyevniñ merkezinde hayriye yarmalığını keçirdiler. Hayriye tedbirinde Donbasstan köçip kelgenler azırlağan tatlı, resim ve devlet timsallerini sattılar.

Ukraina Fevqulâde vaziyetler Devlet hızmetiniñ malümatına köre, mayıs soñuna qadar qıtaiy Ukrainağa Qırımdan 20 biñ 653 insan köçip keldi. Qırımtatar Milliy Meclisi köçip kelgenlerniñ yarısı qırımtatarlar olğanını qayd ete. KrımSOS cemaat teşkilâtı bergen malümatına köre, yarımadanı 45-50 biñ kişi terk etti.

XS
SM
MD
LG