Link açıqlığı

Bağçasarayda işini toqtatmağa mecbur olğan «Musafir» qırımtatar qavehanesi Kiyevde açıldı


Bağçasaraydaki «Musafir» qavehanesi işini toqtatmağa mecbur olğan soñ Kiyevniñ merkezinde «Musafir-Kiyev» qırımtatar qavehanesi açıldı, – dep haber ete Qırım.Aqiqat.

Kiyevniñ Saksaganskogo soqağındaki qavehaneni Qırımdan mecburen köçip kelgenler açtı. Olarnıñ aytqanına köre, mında musafirçenlik ve qırımtatar yemekleriniñ ananelerini saqlap qalmağa tırışalar. «Musafir-Kiyev» qavehanesiniñ saipleri yarımadanıñ şimdiki vaziyetinde çalışıp olamağan Qırım qavehanesiniñ soyları ola. Olarnıñ aytqanına köre, qoranta işi aqqında laf kete.

Qırım.Aqiqat saytı bildirgeni kibi, 2015 senesi mayıs 10-da Bağçasaraydaki «Musafir» qırımtatar qavehanesi qapatılğanını ilân etti, çünki Qırım prokuraturası ve mahkemeleri onıñ işini qanunsız dep sayalar.

Turistler populâr qavehaneniñ qapatılmasından qasevetleneler. Muracaat müellifleri Qırımnıñ Rusiye kurort ve turizm nazirligi ve bütün devlet organlarını «Qırımdaki içtimaiy ceetten mesüliyetli olğan turistik bizneske eminlik bermege» çağırdılar.

Qırımtatar halqı aq-uquqlarını qorçalav komitetiniñ koordinatorı, Meclis azası Eskender Bariyev bildirdi ki, Qırımda qırımtatarlarğa ait ticaret noqtalarını ateşke bermege başladılar.

XS
SM
MD
LG